Hökumət uzunmüddətli inkişaf strategiyasını müzakirə edib (FOTO)

Gürcüstan hökuməti ölkənin inkişafının uzunmüddətli strategiyasını hazırlayır. 24News.ge xəbər verir ki, sözügedən sənədin əsas istiqamətləri bu gün Baş nazir İrakli Kobaxidze tərəfindən nazirlər kabinetinin üzvləri və Tbilisi meri ilə müzakirə olunub. Hökumət administrasiyasının mətbuat xidmətinin verdiyi məlumata görə, Baş nazir qeyd edib ki, yeni strategiya ölkənin qarşıdakı illərdə ardıcıl və sabit inkişafını təmin edəcək əsas yol xəritəsi olacaq. Bu məqsədlə prioritet sahələrin, konkret hədəflərin və vəzifələrin müəyyənləşdirilməsi vacib sayılır. İrakli Kobaxidzenin sözlərinə görə, sənəddə əsas diqqət təhsil, səhiyyə, iqtisadiyyat və sosial inkişaf sahələrinə yönəldiləcək. Hər bir istiqamət üzrə ölkənin yaxın illərdə çatmalı olduğu məqsədlər dəqiqləşdiriləcək. Hökumət Administrasiyasının məlumatında bildirilir ki, sənəd üzərində iş intensiv qaydada aparılacaq və yaxın gələcəkdə ictimaiyyətə təqdim olunacaq.

www.24news.ge

Hökumət uzunmüddətli inkişaf strategiyasını müzakirə edib (FOTO)

Digər xəbərlər