Yük maşınında gizlənərək sərhədi qanunsuz keçməyə cəhd edən şəxslər saxlanılıb (VİDEO)

Sərhəd Polisi və Gəlirlər Xidmətinin əməkdaşları tərəfindən aparılan birgə operativ və istintaq tədbirləri nəticəsində ölkənin dövlət sərhədini qanunsuz keçməyə cəhd göstərən iki xarici ölkə vətəndaşı — 1989-cu və 1971-ci il təvəllüdlü şəxslər saxlanılıb. 24News.ge xəbər verir ki, bu barədə Sərhəd Polisi məlumat yayıb. Məlumata əsasən, saxlanılan sürücü “Sarpi” sərhəd-keçid məntəqəsindən idarə etdiyi yük avtomobilinin qoşqusunda digər bir şəxsi gizlədərək pasport nəzarətindən yan keçməklə Türkiyə Respublikasına qanunsuz keçirməyə cəhd edib. Hüquq-mühafizə orqanları saxlanılanların üzərinə və yük avtomobilinə baxış zamanı böyük məbləğdə pul vəsaitini də maddi sübut kimi götürüblər. Faktla bağlı Cinayət Məcəlləsinin 19-344 və 19-344-prima maddələri üzrə istintaq aparılır. Sözügedən maddələr 5 ilədək azadlıqdan məhrumetməni nəzərdə tutur.

www.24news.ge

Yük maşınında gizlənərək sərhədi qanunsuz keçməyə cəhd edən şəxslər saxlanılıb (VİDEO)

Digər xəbərlər