Qətərdə ABŞ-ın ən böyük hərbi bazası ballistik raketlə vurulub

Qətərdə, Yaxın Şərqdə yerləşən ABŞ-ın ən böyük hərbi bazası — Əl-Udeyd Hərbi Hava Bazası İrandan buraxılan ballistik raketlə vurulub. 24News.ge xəbər verir ki, bu barədə yerli media Müdafiə Nazirliyinə istinadən məlumat yayıb. Nazirliyin açıqlamasına görə, hücum nəticəsində xəsarət alan olmayıb. Məlumatda həmçinin bildirilib ki, İrandan buraxılan ikinci ballistik raket hava hücumundan müdafiə sistemləri tərəfindən zərərsizləşdirilib. Bundan başqa, İran Bağdad Beynəlxalq Hava Limanı yaxınlığındakı logistika bazasına hücum edib. İran qüvvələri İsrail Müdafiə Nazirliyinin binasına, paytaxt Təl-Əviv və Petah-Tikva şəhərlərindəki hərbi obyektlərə də zərbələr endiriblər. SEPAH-ın bildirdiyinə görə, İran Qərbi Qalileyadakı bir neçə hərbi mərkəzə və Təl-Əviv yaxınlığında yerləşən Bney-Brak şəhərindəki hərbi infrastruktur obyektlərinə hücum edib.

www.24news.ge

Qətərdə ABŞ-ın ən böyük hərbi bazası ballistik raketlə vurulub

Digər xəbərlər