Genişmiqyaslı anti-korrupsiya əməliyyatı: 30 nəfər saxlanılıb (VİDEO)

Dövlət Təhlükəsizliyi Xidmətinin Anti-Korrupsiya Agentliyi Gürcüstanın müxtəlif bölgələrində genişmiqyaslı əməliyyat keçirib. Nəticədə, 12 fərqli cinayət işi üzrə 30 nəfər saxlanılıb və məsuliyyətə cəlb edilib. 24News.ge xəbər verir ki, Anti-Korrupsiya Agentliyi-nin direktoru Emzar Qanidze mətbuat konfransında bildirib ki, əməliyyatlar Tbilisi, Axmeta, Kobuleti, Martvili, Tsalenjixa, Tsageri, Qardabani, Mtsxeta, Marneuli, Senaki və Xulo bələdiyyələrində keçirilib. Bildirilir ki, əməliyyatlar rüşvət, vəzifə səlahiyyətlərindən sui-istifadə, saxta sənəd hazırlama və böyük miqdarda fırıldaqçılıq faktları ilə bağlıdır. İstintaq çərçivəsində saxlanılan şəxslər arasında bələdiyyə şurası üzvləri, mer nümayəndələri, peşə təhsil müəssisələrinin əməkdaşları, Fövqəladə Hallar Xidmətinin əməkdaşları və özəl şirkət rəhbərləri var. Müxtəlif işlərdə, vətəndaşlardan rüşvət alınması, dövlət torpaqlarının saxta sənədlərlə qeydə alınması, tenderlərdə və infrastruktur layihələrində saxtakarlıq halları aşkarlanıb. Qeyd olunan faktlarla bağlı istintaq davam etdirilir, sözügedən şəxsləri 4 ildən 9 ilədək azadlıqdan məhrum etmə cəzası gözləyir.

www.24news.ge

Genişmiqyaslı anti-korrupsiya əməliyyatı: 30 nəfər saxlanılıb (VİDEO)

Digər xəbərlər