Məcburi köçkün ailələr üçün mənzillərin bölgüsünə başlanılıb

Tbilisidə məcburi köçkün ailələrin mənzillərlə təmin olunması məqsədilə Qaçqın və Məcburi Köçkün Məsələlərini Araşdıran Komissiya fəaliyyətə başlayıb. 24News.ge xəbər verir ki, bu barədə Səhiyyə Nazirliyinin mətbuat xidməti məlumat yayıb. Müəyyən edilmiş meyarlar əsasında verilən ballar nəzərə alınmaqla, monitorinqə cəlb olunan hər bir məcburi köçkün ailəsinin mənzil təminatı məsələsi komissiya tərəfindən qanunvericiliyə uyğun şəkildə nəzərdən keçiriləcək. Yekun qərar müvafiq agentliyin rəsmi internet səhifəsində dərc olunacaq. Bildirilir ki, mənzillərin bölgüsü ilə bağlı bütün prosedurlar maksimum şəffaf şəkildə həyata keçirilir. Bununla yanaşı, Tbilisinin Tvalçrelidze küçəsində müasir standartlara cavab verən yaşayış kompleksinin tikintisi yekun mərhələyə çatıb. Hazırda ərazidə tam yaşayış mühitinin formalaşdırılması məqsədilə xarici infrastrukturun abadlaşdırılması işləri aparılır. Layihə çərçivəsində 1600-dən çox məcburi köçkün ailəsinə tam təmir olunmuş mənzillərin yaxın bir neçə ay ərzində təhvil verilməsi nəzərdə tutulur.

www.24news.ge

Məcburi köçkün ailələr üçün mənzillərin bölgüsünə başlanılıb

Digər xəbərlər