საქართველოში დაკავებული 38 პირი თურქეთში ექსტრადირებული იქნა

საქართველოდან თურქეთში 38 ძებნილი პირის ექსტრადიცია განხორციელდა 24News.ge-ის ინფორმაციით, ამის შესახებ თურქეთის შინაგან საქმეთა სამინისტრომ განაცხადა. უწყების ცნობით, ექსტრადირებული პირები იძებნებოდნენ ნარკოტიკული ან ფსიქოტროპული ნივთიერებების ქვეყანაში უკანონოდ შემოტანის, განზრახ მკვლელობის, თაღლითობის, მუქარის, ფულის გაყალბების, ადამიანით ვაჭრობის, პროსტიტუციაში ჩაბმის, კონტრაბანდის წინააღმდეგ ბრძოლის შესახებ კანონის მოთხოვნების დარღვევისა და სხვა დანაშაულების ჩადენის ბრალდებით. სამინისტროს ინფორმაციით, ბოლო ერთი თვის განმავლობაში სხვადასხვა ქვეყნიდან თურქეთში სულ 54 პირის ექსტრადიცია განხორციელდა. მათგან 29 „წითელი ცირკულარით“ იძებნებოდა, ხოლო 25 — ეროვნული ძებნის ფარგლებში. ექსტრადირებულთა შორის 38 პირი საქართველოში დააკავეს, 5 — გერმანიაში, 2 — აზერბაიჯანში, ხოლო დანარჩენები ბულგარეთში, ავსტრიაში, ეკვადორში, საფრანგეთში, ხორვატიაში, ყაზახეთში, ეგვიპტეში, საბერძნეთსა და ჩრდილოეთ მაკედონიაში.

www.24news.ge

საქართველოში დაკავებული 38 პირი თურქეთში ექსტრადირებული იქნა

სხვა სიახლეები