მარნეულის ცენტრალურ გზაზე 11 ივლისიდან 19 აგვისტოს ჩათვლით მოძრაობა ეტაპობრივად შეიზღუდება

ქალაქ მარნეულში, რუსთაველის ქუჩაზე წყალმომარაგების სისტემის რეაბილიტაციის ფარგლებში, 11 ივლისიდან დასკვნითი ეტაპის სამუშაოები დაიწყება. პროექტის მიხედვით, გასანოვის, ბორჩალოს, შაიგას, ნარიმანოვის I და II ჩიხების, ორბელიანის და ალგეთის ქუჩებზე ახლად მოწყობილი წყალარინების სისტემა რუსთაველის ქუჩის ცენტრალურ მაგისტრალს შეუერთდება. აღნიშნულის შეუფერხებლად შესასრულებლად, ეტაპობრივად შეიზღუდება სატრანსპორტო მოძრაობა. სამუშაოების სპეციფიკიდან გამომდინარე, შესაბამის თარიღებში, არსებულ ქუჩებთან ერთად ეტაპობრივად ჩაიკეტება რუსთაველის ქუჩის ის მონაკვეთებიც (გზაჯვარედინი), სადაც სისტემა ცენტრალურ მაგისტრალს უერთდება. ქუჩები გადაიკეტება შემდეგი ზონებისა და თარიღების მიხედვით: ზონა 1: გასანოვის ქუჩა - მიერთება რუსთაველის ქუჩაზე 11 ივლისი (დილის 9 საათიდან) – 16 ივლისი ზონა 2: ბორჩალოს ქუჩა - მიერთება რუსთაველის ქუჩაზე 17 ივლისი (დილის 9 საათიდან) – 22 ივლისი ზონა 3: შაიგის ქუჩა - მიერთება რუსთაველის ქუჩაზე 23 ივლისი (დილის 9 საათიდან) – 29 ივლისი ზონა 4: ნარიმანოვი, ორბელიანის ქუჩა (მეჩეთთან) - მიერთება რუსთაველის ქუჩაზე 30 ივლისი (დილის 9 საათიდან) – 5 აგვისტო ზონა 5: ნარიმანოვი, ალგეთის ქუჩა (მეჩეთთან) - მიერთება რუსთაველის ქუჩაზე 6 აგვისტო (დილის 9 საათიდან) – 12 აგვისტო ზონა 6: ნარიმანოვის II ჩიხიდან - მიერთება რუსთაველის ქუჩაზე 13 აგვისტო (დილის 9 საათიდან) – 18 აგვისტო ზონა 7: ნარიმანოვის I ჩიხიდან - მიერთება რუსთაველის ქუჩაზე 19 აგვისტო (დილის 9 საათიდან) – 24 აგვისტო მოძრაობის შეზღუდვისას სრულად იქნება დაცული უსაფრთხოების ყველა ნორმა. სამუშაოები უწყვეტ რეჟიმში, 24 საათის განმავლობაში წარიმართება. სამუშაოებს კომპანია „ჩაინა ჯეო-ინჯინერინგ ქორფორეიშენი“, შპს „საქართველოს გაერთიანებული წყალმომარაგების კომპანიისა“ და აზიის განვითარების ბანკის დაკვეთით, ახორციელებს.

www.24news.ge

მარნეულის ცენტრალურ გზაზე 11 ივლისიდან 19 აგვისტოს ჩათვლით მოძრაობა ეტაპობრივად შეიზღუდება

სხვა სიახლეები