პოლიტიკური და საზოგადო მოღვაწის, რამიზ ბექიროვის 70 წლის იუბილესადმი მიძღვნილი ღონისძიება გაიმართა

ბოლნისის მუნიციპალიტეტის სოფელ ქვემო ბოლნისში საქართველოს პარლამენტის ყოფილი დეპუტატის, ცნობილი პოლიტიკური და საზოგადო მოღვაწის, რამიზ ბექიროვის 70 წლის იუბილესთან დაკავშირებით საზეიმო ღონისძიება გაიმართა. 24News.ge-ის ინფორმაციით, საიუბილეო ღონისძიებას ესწრებოდნენ საქართველოში აზერბაიჯანის საელჩოს თანამშრომლები, საქართველოს სხვადასხვა ქალაქისა და მუნიციპალიტეტიდან ჩამოსული ქართველი და აზერბაიჯანელი ინტელიგენციის წარმომადგენლები, პოეტები, მეცნიერებისა და კულტურის სფეროს მოღვაწეები, ასევე საზოგადოების წარმომადგენლები. ღონისძიებაზე გამომსვლელებმა ისაუბრეს რამიზ ბექიროვის მრავალწლიან საზოგადოებრივ-პოლიტიკურ საქმიანობაზე და განსაკუთრებული ყურადღება გაამახვილეს მის წვლილზე საქართველოში მცხოვრები აზერბაიჯანელების უფლებებისა და ინტერესების დაცვის, საზოგადოებრივი აქტიურობისა და ქვეყნის საზოგადოებრივ ცხოვრებაში შეტანილი მნიშვნელოვანი ღვაწლის მიმართულებით. მათ იუბილარს გულითადად მიულოცეს 70 წლის იუბილე და უსურვეს ჯანმრთელობა, დღეგრძელობა და წარმატებები. საიუბილეო ღონისძიების ფარგლებში რამიზ ბექიროვს გადაეცა სხვადასხვა საპატიო დიპლომი, ჯილდო და სამახსოვრო საჩუქარი. ღონისძიების კულტურულ ნაწილს, რომელსაც ჩინგიზ იაგუბოვი უძღვებოდა, განსაკუთრებული ელფერი შესძინა აშუღმა ჰევესქარმა. მან შეასრულა ქართული და აზერბაიჯანული ხალხური მელოდიები, ასევე აშუღური ხელოვნების გამორჩეული ნიმუშები, რითაც სტუმრებს დაუვიწყარი მუსიკალური საღამო აჩუქა.

www.24news.ge

პოლიტიკური და საზოგადო მოღვაწის, რამიზ ბექიროვის 70 წლის იუბილესადმი მიძღვნილი ღონისძიება გაიმართა

სხვა სიახლეები