Sosial şəbəkələrdə Marneuli və Bolnisi sakinlərini təhqir edənlərə görə üzür istədilər

Marneuli və Bolnisi Bələdiyyəsində sərt karantin rejimi tətbiq edildikdən sonra, bir sıra sosial şəbəkələrdə bir qrup gürcü vətəndaşlar tərəfindən etnik zəmində ayrıseçkilik yaradacaq paylaşımlara cavab olaraq yerli azərbaycanlılara dəstək kompaniyası davam edir. 24News.ge xəbər verir ki, "İnsan Hüquqlarını Müdafiə və Monitorinq Mərkəzi"nin nümayəndəsi Tamta Mikeladze Marneuli və Bolnisi sakinlərinə həmrəylik mesajı yazıb. Sözügedən müraciətdən sonra yüzlərlə etnik gürcü bu məktubu paylaşaraq ölkənin yerli azərbaycanlı əhalisinin yanında olduqlarını bildiriblər. Sizə dərc edilən mesajı təqdim edirik: "Bu məktubu sizə Gürcüstanın sıravi vətəndaşları yazır və hamını sizə dəstək olmağa çağırırıq. İlk növbədə, cəmiyyətimizin bir hissəsi tərəfindən Bolnisi və Marneuli əhalisinə qarşı mətbuat və sosial şəbəkələrdə səslənən təhqirlərə görə sizdən üzr istəyirik. İstəyirik biləsiniz ki, biz belə düşünmürük. Sizə dostlarımız, tanıdıqlarımız ya da tanımadıqlarımız, Gürcüstanın ən əhəmiyyətli hissəsi kimi dəyər verir və çox qiymətli əməyinizlə ümumi rifaha xidmət etdiyinizə görə təşəkkür edirik. Biz bir ölkənin vətəndaşlarıyıq və ümumi sosial problemlərini dərk edirik. Pandemiya suyun əlçatan olmaması, gündəlik maaşdan asılı olan insanların ümidsizliyi kimi problemləri xüsusilə önə çıxardı. Gürcüstanlı azərbaycanlıların ayrıca problemi deyə bir şey yoxdur, o, hamının eyni dərəcədə problemidir. Sizə ürəkdən həmrəy olduğumuzu bildirib, yaranmış çətin vəziyyətdə sizə güclü olmağınızı arzulayırıq".

www.24news.ge

Sosial şəbəkələrdə Marneuli və Bolnisi sakinlərini təhqir edənlərə görə üzür istədilər

Digər xəbərlər