Azərbaycan və Gürcüstan XİN başçıları bu mövzuları müzakirə etdilər

Azərbaycanın Xarici İşlər naziri Elmar Məmmədyarov və Gürcüstanın xari işlər naziri David Zalkaliani arasında telefon danışığı baş tutub. 24News.ge xəbər verir ki, bu barədə məlumatı Xarici İşlər Nazirliyi yayıb. Verilən məlumata görə, tərəflər mövcud qlobal pandemiya ilə mübarizə çərçivəsində hər iki ölkə tərəfindən həyata keçirilən tədbirlər üzrə ümumi fikir mübadiləsi aparıb və bu xüsusda, beynəlxalq həmrəyliyin əhəmiyyətini vurğulayıblar. Telefon danışığı zamanı ikitərəfli strateji münasibətlərin inkişafı, o cümlədən iqtisadi və ticarət əlaqələrinin, xüsusilə də hazırkı vəziyyətdə yükdaşımaların genişləndirilməsi və strateji layihələrin həyata keçirilməsi ətrafında fikir mübadiləsi aparıblar. Nazirlər, habelə beynəlxalq təşkilatlar, xüsusilə də BMT və Şərq Tərəfdaşlığı çərçivəsində münasibətlər də daxil olmaqla, həyata keçirilən əməkdaşlıq məsələlərindən bəhs ediblər. Nazirlər Azərbaycan və Gürcüstan xalqları arasında möhkəm dostluq münasibətlərini vurğulayaraq bir-birlərini qarşıdan gələn milli günlər münasibətilə təbrik ediblər.

www.24news.ge

Azərbaycan və Gürcüstan XİN başçıları bu mövzuları müzakirə etdilər

Digər xəbərlər