Hakim "Gürcü Arzusu" partiyasına yeni sədr seçildi

“Gürcü Arzusu – Demokratik Gürcüstan” Partiyasının yeni sədri İrakli Kobaxidze seçilib. 24News.ge xəbər verir ki, səhər saatlarında hakim partiyanın üzvlərinin keçirdiyi qurultayda İrakli Kobaxidzenin sədrliyə namizədliyi yekdilliklə dəstəklənib. Qurultayda həmçinin, partiyanın 21 üzvündən ibarət Siyasi Şurasının formalaşması təsdiqlənib, icraçı və siyasi katiblər də seçilib. Qeyd edək ki, İ.Kobaxidze hal hazırda parlament çoxunluğunun da rəhbəridir, o həmçinin bundan öncə “Gürcü Arzusu”nun icraçı katibi olub. 43 yaşlı siyasətçi 2016-2019-cu illərdə Gürcüstan parlamentinin sədri vəzifəsini də tutub. Xatırladaq ki, Gürcü Arzusu partiyasının keçmiş sədri Bidzina İvanişvili yanvarın 11-də vəzifəsini tərk edib.

www.24news.ge

Hakim "Gürcü Arzusu" partiyasına yeni sədr seçildi

Digər xəbərlər