Kobaxidze oktyabr ayında keçiriləcək yerli özünüidarəetmə (mer) seçkilərindən danışdı

“Yerli seçkiləri parlament seçkiləri kimi inamlı qələbə ilə başa vurmaq üçün əlimizdən gələni edəcəyik”. 24News.ge xəbər verir ki, bu sözləri Gürcü Arzusu partiyasına bu gün sədr olaraq seçilən İrakli Kobaxidze deyib. Onun sözlərinə görə, yerli özünüidarəetmə seçkiləri yeni qanunvericiliyə əsasən keçiriləcək: “Seçki islahatı üzərində işləyəcəyik, yerli özünüidarəetmə seçkiləri yeni qanunvericiliyə əsasən keçiriləcək və hamı necə bir nəticə ilə qələbə çalacağımızı müşahidə edəcək. Biz yerli seçkiləri parlament seçkiləri kimi inamlı qələbə ilə başa vurmaq üçün əlimizdən gələni edəcəyik, bunun üçün hər şey ediləcək, bütün resurslar var və komanda bu nəticəni əldə etməyə tamamilə yönəldiləcək”,-deyə Kobaxidze bildirib. Xatırladaq ki, Gürcüstanda 2021-ci ilin oktyabr ayında yerli özünüidarəetmə (mer) seçkiləri keçiriləcək.

www.24news.ge

Kobaxidze oktyabr ayında keçiriləcək yerli özünüidarəetmə (mer) seçkilərindən danışdı

Digər xəbərlər