Haqqımızda Reklam
09 
Mar
2021
11:01
42
7
1708

Murad Muradov Savalan Mirzəyevin komendant saatı zamanı qanuna tabe olmamasını belə şərh etdi

"Komendant saatı yalnız siyasi məqsəd daşıyır, Gürcü Arzusu bunu siyasi rəqiblərinə qarşı istifadə edir". Bu sözləri "Lelo" partiyasının Marneuli qərargahının rəhbəri Murad Muradov, Savalan Mirzəyevin karantin qaydalarını pozması məsələsi ilə bağlı 24News.ge xəbər portalına müsahibəsi zamanı deyib. Onun sözlərinə görə, bu hadisədə əsas məsələ oğurluğun törədilməsi deyil, oğurluğun kimə və hansı saatda törədilməsidir: "Komendant saatı zamanı Gürcü Arzusu deputatlarının restoranda olma faktı göz qabağındadır. Savalan Mirzəyev restoranda kimlərlə imiş, ümumiyyətlə o restoran niyə fəaliyyət göstərirdi? Göründüyü kimi komendant saatı yalnız siyasi məqsədlər üçün istifadə olunur. Çünkü Gürcü Arzusunun liderləri, simaları və onlara yaxın olan şəxslərə komendant saatı şamil olunmur. Onlar komendant saatı zamanı istədikləri yerə gedirlər və bunun faktı bir neçə dəfə mərkəzi kanallarda da göstərilib. Buna misal olaraq komendant saatı zamanı Gürcü Arzusunun deputatı Anzor Bolkvadze nəvəsinə ad günü keçirirdi, həmçinin Gürcü Arzusunun liderləri digər bir deputatın ad gününə toplaşmışdı, bundan başqa Kaxi Kaxişbilinin evində toy mərasimi keçirilməsi faktları da var. Elə bu məsələlərə görə aydın olur ki, komendant saatı yalnız siyasi məqsəd daşıyır, onlar bunu siyasi rəqiblərinə qarşı istifadə edirlər. O həmçinin, məhdudiyyətlərə baxmayaraq Marneulidə "Gürcü Arzusu"na yaxın olan obyektlərin işlədiklərini də bildirib: "Artıq hamı bilir ki, bütün bu tətbiq olunan məhdudiyyətlərə baxmayaraq, Marneulidə sahibləri Gürcü Arzusuna yaxın olan kafelər gizlin də olsa fəaliyyət göstərirdi. Onlara isə icazə birbaşa Gürcü Arzusundan verilmişdir. Digər qapalı nə kafe, nə çayxana nə də restoranların fəaliyyətinə icazə verilmirdi", - deyə M. Muradov bildirib.

www.24news.ge