Polis və gənclər arasında yaranan mübahisə zamanı polis döyülüb

Rustavi-Tbilisi magistralının Poniçala (Soğanlıq) hissəsində 45 yaşlı polis döyülüb. 24News.ge xəbər verir ki, bu barədə İnforustavi portalı məlumat yayıb. Məlumatda bildirilir ki, polis və bir neçə gənc arasında ilk öncə sözlü mübahisə baş verib, daha sonra gənclər polis əməkdaşını döyüblər. Şahidlərin sözlərinə görə, döyülən şəxsin əvvəlcə polis olduğunu bilinməyiblər, hadisə zamanı o, havaya atəş açarkən, onun polis olduğu məlum olub. Şahidlər, həmçinin, polis əməkdaşının sərxoş vəziyyətdə olduğunu bildiriblər. Qarşıdurma zamanı polis əməkdaşı baş nahiyəsindən yüngül xəsarət alıb. O, təcili tibbi yardım briqadası tərəfindən xəstəxanaya aparılıb.

www.24news.ge

Polis və gənclər arasında yaranan mübahisə zamanı polis döyülüb

Digər xəbərlər