Tbilisidə Altay Paşayev tapdığı 6 min lari pulu sahibinə qaytarıb

Paytaxt Tbilisidə 18 yaşlı Altay Paşayev tapdığı və içərisində 6 min lari olan pul kisəsini sahibinə qaytarıb. 24News.ge xəbər verir ki, bu barədə yerli medialar məlumat yayıb. Əslən Bolnisidən olan A.Paşayev pul kisəsini işdən evə qayıdarkən tapdığını deyib: "İşdən evə qayıdırdım. Yerdə pul qabı gördüm, açdım və içərisində külli miqdarda pul var idi. Polisə apardım, pulun sahibi gələnə kimi şöbəni tərk etmədim", - deyə Altay qeyd edib. İtirilən pulun sahibi Çiçi Xotenaşvili isə 6 min larinin xaricdən qohumları tərəfindən ona göndərildiyini və o da bu pulu başqa birisinə verməli olduğunu bildirib. Pul sahibi Çiçi Xotenaşvili Altay Paşayevi qəhraman adlandırıb.

www.24news.ge

Tbilisidə Altay Paşayev tapdığı 6 min lari pulu sahibinə qaytarıb

Digər xəbərlər