Haqqımızda Reklam
12 
May
2022
11:20
41
6
3930

Marneulidə kənd sakinləri məscidin tikintisinə icazə verilmədiyi üçün etiraz aksiyası keçiriblər (FOTO)

Bir ildən artıqdır ki, Marneli rayonunun Axlı Lələ kəndində məscid tikintisinə yaradılan süni problemlərə görə kənd əhalisi etiraz aksiyası keçiriblər. 24News.ge xəbər verir ki, sakinlər ötən gün, 11 may tarixində həmin əraziyə toplaşaraq öz etirazlarını və ciddi narahatçılıqlarını bildiriblər. Baş tutan etiraz aksiyasına daha sonra Bütün Gürcüstan Müsəlmanlar İdarəsinin şeyxi Hacı Ramin İgidov və idarənin əməkdaşları da dəvət olunublar. Şeyx sakinlərlə görüşündə bu etirazların haqlı olaraq keçirildiyini vurğulayıb və qeyd edib ki, bu günə qədər istər rayon meriyası istərsə də aidiyyatı orqanlara dəfələrlə şifahi və məktublar yazaraq məscidin tikintisinə icazə verilməsi istənilib, lakin nəticədə təəssüflər olsun ki, süni problemlər gətirilərək tikinti dayandırılıb. Şeyx bildirib ki, idarənin son məktubuna Meriyadan verilən cavab isə bu olub ki, tikinti ərazisi qeyri kənd təsərrüfatı deyil, buna görə də ərazinin təyinatı dəyişdirilməlidir. H.Ramin İgidov bu tələbin yerinə yetirilməsindən sonra başqa maneələr çıxmayacağına ümid etdiyini bildirib.

www.24news.ge

(Şahidi olduğunuz hadisələri çəkib bizə göndərin!) 571798989