Apellyasiya Məhkəməsi Marneuli meriyasının kilsəni maliyyələşdirməsinə dair müraciətini təmin edib

Bu gün, dekabrın 8-də Tbilisi Apellyasiya Məhkəməsi, Bolnisi Rayon Məhkəməsinin Marneuli büdcəsindən dini qurumların maliyyələşdirilməsi ilə bağlı qərarını ləğv edib. Bu barədə 24News.ge xəbər portalına mülki fəal Samirə Bayramova məlumat verib. O qeyd edib ki, Apellyasiya Məhkəməsi Marneuli bələdiyyəsinin büdcəsindən Marneuli və Hucabi Yeparxiyasının maliyyələşdirilməsinin davam etdirilməsi ilə bağlı Marneuli yerli özünüidarəetmə orqanının tələbini dəstəkləyib. Bayramova bildirib ki, hakim məhkəmə prosesində iddiaçı tərəfi lazımi qədər dinləməyib və gözləmədən onlara Azərbaycanda dini təşkilatların maliyyələşməsi ilə bağlı sual ünvanlayıb: "Biz məhkəmə zamanı hakimin diqqətinə bir sıra Avropa ölkələrində mövcud vəziyyətlə bağlı baş verən proseslərdən məlumatlar və nümunələr təqdim etdiyimiz zaman hakim bizdən soruşdu ki, Azərbaycan xristian təşkilatlarını maliyyələşdirirmi, Azərbaycanda bu istiqamətdə proseslər necə aparılır. Mən isə ona bunu niyə soruşduğunu dedim və bizim Azərbaycanın qanunvericiliyi barədə məlumatımız olmadığını bildirdim. Gördüm ki, hakim biraz sakit səslə siz etnik cəhətdən azərbaycanlısız dedi. Hakimin dilindən belə bir sözün çıxmasına sadəcə təəssüf edirəm", - deyə S. Bayramova vurğulayıb. Xatırladaq ki, bu ilin 1 iyul tarixində Bolnisi şəhər məhkəməsi "Ümum Gürcüstan Müsəlmanları Ali Dini İdarəsi"nin və ictimai fəal Samirə Bayramovanın şikayəti əsasında Marneuli meriyası tərəfindən, Marneuli və Hucabi Yeparxiyasına hər il ayrılan 400 min lari ilə bağlı qərarı ləğv etmişdir. Marneuli yerli özünüidarəetmə orqanı isə Bolnisi rayon məhkəməsinin qərarını apellyasiya məhkəməsinə şikayət edib. Sözügedən məhkəmənin qərarı əsasında isə Marneuli bələdiyyəsi 2023-cü ildə də Marneuli və Hucabi Yeparxiyası üçün 400 000 lari ayıra bilər.

www.24news.ge

Apellyasiya Məhkəməsi Marneuli meriyasının kilsəni maliyyələşdirməsinə dair müraciətini təmin edib

Digər xəbərlər