Baş nazir: "Korrupsiyaya qarşı mübarizədə Gürcüstan hələ də Şərqi Avropa və Mərkəzi Asiya regionunda liderdir"

"Korrupsiyaya qarşı mübarizə baxımından Gürcüstan hələ də Şərqi Avropa və Mərkəzi Asiya regionunda liderdir və bir çox Avropa və Şimali Atlantika Alyansına üzv dövlətləri qabaqlayır". 24News.ge xəbər verir ki, bu barədə baş nazir İrakli Qaribaşvili, Beynəlxalq Korrupsiyaya Qarşı Mübarizə Günü ilə bağlı bəyanatında bildirilib. Hökumət başçısının sözlərinə görə, Gürcüstanın əldə etdiyi tərəqqi xarici dostlar və yüksək vəzifəli siyasi xadimlər tərəfindən yüksək qiymətləndirilir: “Gürcüstan Beynəlxalq Korrupsiyaya Qarşı Mübarizə Gününü qabaqcıl mövqe ilə qarşılayır. Korrupsiya demokratiya, iqtisadi inkişaf və ictimai sabitlik üçün əsas problemdir. Ona görə də hakimiyyətə gələndən ona qarşı böyük səylər göstərmişik - korrupsiyaya qarşı mübarizə qanunvericiliyində islahatlar aparmışıq, hakimiyyətin açıqlığını, proseslərə ictimaiyyətin cəlb olunmasını təmin etmişik. Nəticələr çox yüksəkdir - son altı ildə biz aparıcı ölkələr arasında mövqeyimizi qoruyub saxlamışıq. Son araşdırmalara görə, Gürcüstan hələ də Şərqi Avropa və Mərkəzi Asiya regionunda liderdir və bir çox Avropa və Şimali Atlantika Alyansına üzv dövlətləri qabaqlayır. Korrupsiyaya qarşı barışmaz mübarizə, hesabatlı və açıq idarəetmənin gücləndirilməsi bizim prioritetimiz olaraq qalır”, - deyə baş nazirin yaydığı bəyanatda vurğulanır.

www.24news.ge

Baş nazir: "Korrupsiyaya qarşı mübarizədə Gürcüstan hələ də Şərqi Avropa və Mərkəzi Asiya regionunda liderdir"

Digər xəbərlər