Etiraz aksiyası ilə başlayan Saakaşvilinin məhkəmə iclası təxirə salındı

Bu gün, saat 13:00-da baş tutan eks prezident Mixeil Saakaşvilinin məhkəməsi təxirə salınıb. 24News.ge xəbər verir ki, Saakaşvili səhhətindəki ağırlaşmalar səbəbindən məhkəmə iclasına qatıla bilməyib. İclasda sabiq prezidentin vəkilləri Saakaşvilinin distant prosesə cəlb edilməsi ilə bağlı vəsatət qaldırıb. Vəkillər tərəfindən tələb olunanları texniki cəhətdən təmin etmək məqsədilə iclas dekabrın 14-ü saat 11:00-a təyin edilib. Bu gün keçirilən prosesdə hakim dövlət müdafiəçisinin rəyi ilə yanaşı əlavə sənədləri də qəbul edib. Hakimin sözlərinə görə, onlarla da tanış olmaq üçün vaxt lazımdır. Qeyd edək ki, məhkəmə iclası davam edən zaman Saakaşvilinin komanda yoldaşları və tərəfdarları, həmçinin digər müxalifət partiyaların liderləri Tbilisi şəhər məhkəməsinin önünə toplaşıb və hakimdən ədalətli qərar qəbul etməsini tələb ediblər. Məlumat üçün bildirək ki, 1 dekabr tarixində Mixeil Saakaşvilinin vəkili Şalva Xaçapuridze sabiq prezidentin səhhətindəki ağırlaşmalar səbəbindən onun cəza çəkməkdən azad olunması üçün məhkəməyə müraciət edib.

www.24news.ge

Etiraz aksiyası ilə başlayan Saakaşvilinin məhkəmə iclası təxirə salındı

Digər xəbərlər