Azərbaycandan Gürcüstana qanunsuz olaraq keçmək istəyən Hindistan vətəndaşı saxlanılıb

Azərbaycan sərhədini pozaraq Gürcüstana keçmək istəyən Hindistan vətəndaşı saxlanılıb. 24News.ge xəbər verir ki, bu barədə Azərbaycan Dövlət Sərhəd Xidməti məlumat yayıb. Məlumata əsasən, dekabrın 9-da saat 01:45-də Dövlət Miqrasiya Xidməti ilə birgə həyata keçirilmiş tədbirləri nəticəsində Dövlət Sərhəd Xidmətinin Sərhəd Qoşunlarının “Zaqatala” sərhəd dəstəsinin Balakən rayonunun Poçtbinə kəndi yaxınlığında yerləşən sərhəd zastavasının xidməti ərazisində Azərbaycan dövlət sərhədini pozaraq Azərbaycandan Gürcüstan istiqamətinə keçməyə cəhd edən Hindistan vətəndaşı 1998-ci il təvəllüdlü Ponnaganti Ayyappa Reddy oğlu saxlanılıb. Araşdırma zamanı saxlanılan şəxsin rəsmi qaydada ölkə ərazisinə gəlməsi, daha sonra dövlət sərhədini pozaraq Azərbaycandan Gürcüstana, oradan isə Avropa olkələrindən birinə miqrasiya etmək niyyətində olduğu müəyyən edilib.

www.24news.ge

Azərbaycandan Gürcüstana qanunsuz olaraq keçmək istəyən Hindistan vətəndaşı saxlanılıb

Digər xəbərlər