Lavrovdan Saakaşvili açıqlaması: "Qərb Gürcüstanı Saakaşvilinin aqressiv dövrünə qaytarmaq istəyir"

"Rusiyaya qarşı sanksiyaların tətbiqini tələb edən Qərbin görünməmiş təzyiqinə cavab olaraq, Gürcüstan hökuməti milli maraqları rəhbər tutur". 24News.ge xəbər verir ki, bu sözləri Rusiyanın xarici işlər naziri Sergey Lavrov Qərbin Gürcüstana qarşı çağırışlarını şərh edən zaman deyib. O bildirib ki, Qərb Gürcüstanı Moskvanın “qıcıqlanmasına” çevirmək istəyir: "Hökumətin bu mövqeyi Gürcüstan dövlətinin və gürcü xalqının maraqlarına cavab verir. Mən şübhə etmirəm ki, onlar Gürcüstanı növbəti "qıcıqlandırıcıya" çevirmək, vəziyyəti isə Saakaşvilinin aqressiv dövrünə qaytarmaq istəyirlər". Lavrov həmçinin Saakaşvilinin dövründə baş verən hadisələrə də toxunub: "Rusiya Gürcüstandakı hərbi bazalarını bir şərtlə çıxarıb ki, bu ölkədə antiterror mərkəzi açılsın və Gürcüstanda 1000 rus əsgəri üçün daimi baza yaradılsın, lakin biz bütün öhdəlikləri yerinə yetirdikdən sonra Mixeil Saakaşvili bu mərkəzi yaratmaqdan imtina etdi və faktiki olaraq bizə yalan danışdı". Rusiyanın xarici işlər naziri Salome Zurabişvilinin bu gün Qərbyönlü çıxışlarına da münasibət bildirib: "O, vaxtkı xarici işlər naziri Zurabişvilini çox yaxşı tanıyıram, Gürcü Arzusunu tərifləyir və Mixeil Saakaşvilini rusların Vaziani və Axalkalaki bazalarını boşaltdığına görə tənqid edirdi. İndi Qərb Ukraynada müharibə başladıb, Gürcüstanı da bu müharibəyə cəlb edib ikinci cəbhə açmaq istəyir", - deyə Sergey Lavrov qeyd edib.

www.24news.ge

Lavrovdan Saakaşvili açıqlaması: "Qərb Gürcüstanı Saakaşvilinin aqressiv dövrünə qaytarmaq istəyir"

Digər xəbərlər