Bolnisi sakini Marneulidən olan bir qrup şəxslər tərəfindən aldadılaraq pulunun mənimsənildiyini bildirir

Bolnisi bələdiyyəsinin Həsənxocalı (Xidisquri) kənd sakini Qurban Yusibov notarial qaydada pul götürmək üçün evini girov qoyduğunu, ancaq proses zamanı bir qrup şəxslər tərəfindən aldadıldığını bildirir. 24News.ge xəbər portalına müsahibə verən Yusibov bildirib ki, onun maddi vəsaitə ehtiyyacı olub və o, Marneulidən olan üç nəfərlə əlaqə saxlayıb. Sözügedən şəxslər Yusibova evini girov qoyması qarşılığında borc pul tapacaqlarını deyiblər. 2022-ci ilin 24 dekabr tarixində Qurban Yusibov həmin şəxslərlə birlikdə Tbilisiyə yollanıb, Qurban Yusibova qarşı dələduzluq da elə buradan başlayıb. Onun sözlərinə görə, əvvəlcə banka gedəcəyini ehtimal etsə də sonra Notariusa aparılıb. Zərəçəkmişə bildirilib ki, müqavilə əsasında 24 iyun tarixinədək qarşı tərəfə 8400 dollar ödəməlidir. Q.Yusibovun sözlərinə görə, Marneulidən onunla birlikdə gedən Rauf və Rasim adlı şəxslər 7000 dollar veriləcəyini desələr də sonda ona çatan məbləğ 4400 dollar olub. Əvəzində isə 24 iyun tarixinədək 8400 dolları qarşı tərəfə ödəməlidir. Sözügedən məbləği ödəmədiyi təqdirdə isə notarial qaydada müqaviləyə imza atan Ekaterine Revazişvili Qurban Yusibovun Həsənxocalı /Xidisquri kəndindəki mülkü üzərində bütün hüquqlara sahib olacaq. Müsahibimiz ona çatmalı olan məbləğin bir qisminin sözügedən şəxslər arasında bölüşdürüldüyünü ehtimal edir. O, məsələ ilə bağlı Marneuli polis şöbəsinə müraciət etsə də bir nəticənin olmadığını bildirir. Məsələ ilə bağlı Q.Yusibovun haqqlarında iddialar səsləndirdiyi Marneuli sakini M.Qaracaeyvlə əlaqə saxladıq. Onun sözlərinə görə, müqavilənin detalları ilə bağlı hər hansı bir məlumata sahibi olmayıb və Q.Yusibovu şəxsən tanımır. O, sadəcə telefon vasitəsilə yönləndirmə edib. Qurban Yusibovun məsələsində bir başa iştirak etdiyi Tamuna adlı xanımla əlaqə saxladıq. Sözügedən xanım isə 24 dekabr tarixində notraial qaydada tərəflər arasında müqavilənin həqiqətən də baş tutduğunu təstiqlədi. Qeyd edək ki, Qurban Yusibovun problemli məsələsi ilə bağlı daha geniş reportajı axşam saat 21:00-da xəbər portalımızda yayımlanan "Xəbər Vaxtı" informasiya buraxlışında izləyə bilərsiniz.

www.24news.ge

Bolnisi sakini Marneulidən olan bir qrup şəxslər tərəfindən aldadılaraq pulunun mənimsənildiyini bildirir

Digər xəbərlər