72 yaşlı kişini canavar sürüsü parçalayıb - Kənd əhalisi təşviş içindədir

Kaspi bələdiyyəsinin Lamiskana kəndində canavar sürüsü 72 yaşlı Avtandil Benişviliyə hücum edib. 24News.ge yerli mətbuata istinadən xəbər verir ki, sözügedən yaşlı şəxsin bədən hissələri dünən axşam saatlarında onun evinin yaxınlığında ailə üzvləri tərəfindən aşkar edilib. Versiyalardan birinə görə, yaşlı şəxsə canavar sürüsü hücum edib. Yerli sakinlər deyirlər ki, yırtıcı heyvanın kəndə hücumu ilk dəfə deyil, digər vaxtlarda da canavar ev heyvanlarını parçalayıb. Hazırda kəndlilər təşviş içərisindədir və aidiyyatı qurumların kəndə silahlı mühafizə qrupu təyin etmələrini tələb edirlər. Artıq hadisə yerində əməliyyat-istintaq işləri yekunlaşıb və Daxili İşlər Nazirliyi faktla bağlı araşdırmalara başlayıb.

www.24news.ge

72 yaşlı kişini canavar sürüsü parçalayıb - Kənd əhalisi təşviş içindədir

Digər xəbərlər