Kadırov qardaşı oğlunu Çeçenistanın baş nazirinin müavini təyin edib

Çeçenistan lideri Ramzan Kadırov 26 yaşlı qardaşı oğlu Xamzat Kadırovu baş nazirin müavini, əmlak və torpaq inkişafı naziri təyin edib. 24News.ge Rusiya mətbuatına istinadən xəbər verir ki, bu barədə Ramzan Kadırov məlumat verib. Region hökumətinin iclası zamanı Kadırov yeni baş nazirin müavini, Çeçenistan Respublikasının əmlak və torpaq inkişafı naziri Xamzat Kadırovu Nazirlər Kabinetinin üzvlərinə təqdim edib: "Hamzat istedadlı və məsuliyyətli rəhbərdir. O, bunu əvvəlki yerli özünüidarə vəzifələrində sübut etdi”, - deyə Kadırov vurğulayıb. Qeyd edək ki, Hamzat Kadırov indiyədək Çeçenistan rəhbərinin köməkçisi, Kurçaloyevski rayonunun administrasiyasının rəhbəri, Çeçenistanın mədəniyyət və idman naziri, Çeçenistan katibliyinin rəhbəri vəzifələrində çalışıb.

www.24news.ge

Kadırov qardaşı oğlunu Çeçenistanın baş nazirinin müavini təyin edib

Digər xəbərlər