Haqqımızda Reklam
21 
Mar
2023
13:10
23
25
883

Baş nazir ABŞ Dövlət Departamentinin yaydığı hesabata münasibət bildirib

"Hesabatla və onun əsas məqamları ilə çox qısa tanış oldum. Çox təəssüf ki, Dövlət Departamentinin hesabatı qondarma məlumatlara əsaslanır". 24News.ge xəbər verir ki, bu sözləri baş nazir İrakli Qaribaşvili ABŞ Dövlət Departamentinin insan haqqları haqqında hesabatının Gürcüstanla bağlı hissəsini şərh edərkən deyib. O, ABŞ Dövlət Departamentini ikili münasibətdə günahlandırıb: “Qeyd etmək istərdim ki, sizin vurğuladığınız faktlar həqiqətə uyğun deyil, onlar yalnız fərziyyələrdir və yalan, uydurma məlumatlara, belə demək mümkünsə, ayrı-ayrılıqda siyasi fəaliyyətlə məşğul olan, qərəzli şəxslərin verdiyi hesabatlara əsaslanır. Bütün bunlar bizim üçün maraqlı deyil. On il əvvəl, ondan əvvəlki dövrdə də ölkədə sistemli korrupsiya, sistematik cinayətlər mövcud olanda, insanlar işgəncələrə məruz qalanda, zorlananda, qətlə yetiriləndə, bizneslər zəbt edildiyi bir vaxtda ümumiyyətlə media azadlığı heç bir şəkildə mövcud deyildi. Həmin dövrdə bir dənə də olsun azad media yox idi. Mən bütün bunlarla bağlı Dövlət Departamentinin hesabatında hər hansı fakt xatırlamıram. Əlbəttə ki, bu təəssüf doğurur. Digər tərəfdən, biz açıq demokratiya ölkəsiyik. Dövlət Departamentinin hesabatının azad mediaya, o cümlədən tənqidi mediaya əsaslanması faktı belə bunu göstərir. Lakin onların hazırladıqları məlumatlar 100%-lıq faktlara əsaslanmır, uydurma, yalan məlumatdır. Çox təəssüflər olsun ki, bütün dünyada yanlış məlumatlar yayan, ölkəmizin, dövlətimizin imicinə kölgə salmağa çalışan yüzlərlə qeyri-hökumət təşkilatı var. Təbii ki, bu da ölkəmizin maraqlarına uyğun gəlmir. Bütün bunlara baxmayaraq, bu gün bizdə qeyri-hökumət sektoruna, mediaya, hər yerdə tam sərbəstlik verilib", - deyə Qaribaşvili vurğulayıb.

www.24news.ge

(Şahidi olduğunuz hadisələri çəkib bizə göndərin!) 571798989