Haqqımızda Reklam
26 
May
2024
16:07
27
19
3851

Marneuli, Tetritskaro, Bolnisi və Dmanisi bələdiyyələrində 15-dən çox kəndi sel basıb

Gecə saatlarında yağan güclü yağış nəticəsində Debed və Xram çayları daşaraq, Marneuli, Tetritskaro, Bolnisi və Dmanisi bələdiyyələrində 15-dən çox kəndə zərər vurub. 24News.ge xəbər verir ki, sel suları kommunikasiya xətlərinə, yol infrastrukturuna, habelə vətəndaşların şəxsi təsərrüfatlarına və evlərinə ciddi ziyan vurub. Kvemo Kartli qubernatoru Giorgi Doxturaşvili bildirib ki, qabaqlayıcı tədbirlər nəticəsində əhalinin təxliyəsi mayın 26-na keçən gecədən başlayıb: “Gecə boyu güclü yağış yağıb. Xüsusilə ağır nəticələr Marneuli, Tetritskaro, Bolnisi və Dmanisi bələdiyyələrində müşahidə olunur. 15-dən çox kəndlə əlaqə kəsilib. Körpülər dağılıb, xilasedicilər 24 saat işləyir. Həmçinin müxtəlif bölgələrdən əlavə qüvvələrin səfərbər edilməsi lazım olub. İnsanların təxliyəsində Daxili İşlər Nazirliyinin əməkdaşları çox fəal iştirak edir. Profilaktika məqsədi ilə daşqınlardan zərər çəkmiş ərazilərdə əhalinin təxliyəsinə gecə saatlarından başlanılıb. Bundan əlavə, 15-dən çox ailə Marneulidə evlərindən çıxarılıb. Hazırda profilaktik tədbirlər davam etdirilir və su axınının azalmasını gözləyirik, bundan sonra su basmış fərdi yaşayış evlərində xilasetmə xidməti ilə işə başlayacağıq. Təmizlik işlərinə suyun səviyyəsi azaldıqdan sonra başlanacaq. Hələlik qeyd olunan işləri fiziki cəhətdən həyata keçirmək mümkün deyil, lakin bir neçə saatdan sonra suyun səviyyəsinin azalacağını və təmizlik işlərinə fəal başlayacağımızı gözləyirik. Zərər böyükdür, xoşbəxtlikdən xəsarət alan yoxdur. Bütün problemli yerlərə həm yerli hakimiyyət orqanları, həm də xilasetmə xidmətinin əməkdaşları tərəfindən dərhal reaksiya verilib. Suyun səviyyəsinin qalxması riski olan ağır və kritik ərazilərdə hamı evakuasiya edilir. 9 nəfər Qırmızı körpünün yaxınlığında, obyektlərdən birində qalmışdır, xilasedicilər helikopter və qayıqla çıxarıblar”, - deyə Giorgi Doxturişvili bildirib. Məlumat üçün bildirək ki, gecə saatlarında yağan güclü yağış nəticəsində Debed və Xram çayları daşaraq məcrasından çıxıb. Nəticədə bir sıra ərazilərdə yaşayış evləri, əkin sahələri, kafe və obyektlər sel suları altında qalıb.

www.24news.ge

(Şahidi olduğunuz hadisələri çəkib bizə göndərin!) 571798989