Kobaxidze Kanada hökumətinin də "Xarici təsir qanunu" qəbul etdiyini bildirib

Baş nazir İrakli Kobaxidze "Xarici təsir haqqında" qanuna qarşı aparılan kampaniyanı rüsvayçılıq adlandırıb. 24News.ge xəbər verir ki, Baş nazir bu barədə jurnalistlərə müsahibəsində qeyd edib. O bildirib ki, Kanada hökuməti də buna oxşar qanun qəbul edib: "Hər bir ölkə öz suverenliyinə önəm verir. Kanadada, təbii ki, şəffaflıq haqqında qanunun qəbulu xarici təsirlərin qarşısının alınmasına və ölkənin suverenliyinin qorunmasına xidmət edir. Buna əsaslanaraq Gürcüstanda şəffaflıq qanununa qarşı aparılan kampaniya tam bir fars idi. Kanada nümunəsi bunun daha bir bariz təsdiqidir. Heç bir arqument olmadan qanunu tənqid etmək sadəcə olaraq rüsvayçılıqdır”, - deyə İrakli Kobaxidze bildirib. Qeyd edək ki, Kanada Senatı iyunun 19-da xarici müdaxiləyə qarşı mübarizəni nəzərdə tutan qanun layihəsini təsdiqləyib.

www.24news.ge

Kobaxidze Kanada hökumətinin də "Xarici təsir qanunu" qəbul etdiyini bildirib

Digər xəbərlər