Qızılhacılıdan olan Ramin Axundov Bolnisi Məhkəməsinin hakim katibi təyin edilib

Marneuli bələdiyyəsinin Qızılhacılı kəndindən olan 31 yaşlı Ramin Axundov Bolnisi Məhkəməsinin hakim katibi təyin edilib. Bu barədə məlumatı 24News.ge xəbər portalının sorğusuna cavab olaraq R. Axundov təstiqləyib. O bildirib ki, 13 iyun tarixindən etibarən sözügedən vəzifəni icra etməyə başlayıb. Qeyd edək ki, Ramin Axundov 2010-cu ildə milli imtahanları verərək Gürcüstan-Amerika Universitetinə daxil olub, 2014-cü ildə sözügedən universitetin beynəlxalq münasibətlər və diplomatiya fakültəsini bitirib. O, 2015-ci ildə magistratura təhsilini Latviya Respublikasının Riqa şəhərində Riqa Stradina universitetinin Beynəlxalq və Avropa hüququ fakültəsini bitirib. R. Axundov 2019-ci ildən Gürcü-Amerika universtetinin beynəlxalq əlaqələr və diplomatiya üzrə elmlər doktoru namizədidir. R. Axundov Gürcüstan Xarici İşlər Nazirliyində beynəlxalq əlaqələr departamentində staj proqramı keçib, həmçinin Latviya Respublikasında Gürcüstan səfirliyində konsulun muavini olaraq staj keçib. Bolnisi məhkəmisndə gürcü, azərbaycan, türk və ingilis dilində tərcüməçi olaraq çalışıb. Ailəlidir, iki övladı var.

www.24news.ge

Qızılhacılıdan olan Ramin Axundov Bolnisi Məhkəməsinin hakim katibi təyin edilib

Digər xəbərlər