ABŞ və Ermənistan strateji tərəfdaşlıq sazişi imzaladılar

Vaşinqtonda ABŞ və Ermənistan strateji tərəfdaşlıq sazişi imzalayıb. 24News.ge xəbər verir ki, imzalanma mərasimi Dövlət Departamentinin "YouTube" kanalında yayımlanıb. Sənədi Ermənistanın xarici işlər naziri Ararat Mirzoyan və ABŞ dövlət katibi Antoni Blinken imzalayıb. Dövlət katibi qeyd edib ki, sənədin imzalanması Ermənistanla ABŞ arasında münasibətlərdə mühüm mərhələdir: "Biz ABŞ-Ermənistan Strateji Tərəfdaşlıq Komissiyası yaradırıq. Komissiya bizə iqtisadi məsələlər, təhlükəsizlik və müdafiə, demokratiya, məhkəmə sistemi, inklüzivlik və insanlar arasında bir sıra əsas məsələlərdə ikitərəfli əməkdaşlığı genişləndirmək üçün yol təqdim edir”, - deyə Blinken bildirib. Öz növbəsində, Mirzoyan qeyd edib ki, Ermənistanla ABŞ arasında ümumi dəyərlərə və qarşılıqlı maraqlara əsaslanan münasibətlər son illər əhəmiyyətli dərəcədə inkişaf edib: "Ermənistan-ABŞ Strateji Tərəfdaşlıq Nizamnaməsi bizə möhkəm təməl verir və əməkdaşlığımızı daha iddialı edir. O, müxtəlif istiqamətləri, o cümlədən iqtisadi və enerji əlaqələrinin gücləndirilməsi, kommunikasiyaların təkmilləşdirilməsi, müdafiə və təhlükəsizlik sahəsində əməkdaşlığın dərinləşdirilməsi, demokratik təsisatların gücləndirilməsi, ədalətin təşviqi, həmçinin qanunun aliliyi, İnnovasiyalar və yüksək texnologiyaların inkişafı və əlaqələrin genişləndirilməsi kimi sahələri əhatə edir”, - deyə Mirzoyan bildirib. Onun sözlərinə görə, Ermənistan-ABŞ münasibətləri elə səviyyəyə çatıb ki, strateji tərəfdaşlığın imzalanması təkcə mövcud reallığı əks etdirmir, həm də “mürəkkəb geosiyasi şəraitdə fəaliyyət göstərmək üçün kritik əhəmiyyətə malikdir. Qeyd edək ki, İrəvan və Vaşinqton arasında ikitərəfli strateji dialoqu strateji tərəfdaşlıq səviyyəsinə qaldırmaq niyyəti hələ 2024-cü ilin iyununda elan edilmişdi.

www.24news.ge

ABŞ və Ermənistan strateji tərəfdaşlıq sazişi imzaladılar

Digər xəbərlər