Tramp Netanyahu ilə görüşdən sonra Beynəlxalq Cinayət Məhkəməsinə sanksiya tətbiq edib

ABŞ prezidenti Donald Tramp Beynəlxalq Cinayət Məhkəməsinin maliyyəsinin ləğvi ilə bağlı sərəncam imzalayıb. 24News.ge xəbər verir ki, bu barədə BBC məlumat yayıb. Nəşrin məlumatına görə, icra sərəncamında məhkəmənin ABŞ və onun müttəfiqi İsraili hədəfə alaraq qeyri-qanuni və əsassız hərəkətlər etdiyi bildirilir. İcra sərəncamında həmçinin deyilir ki, məhkəmənin son hərəkətləri “təhlükəli presedent yaradır” və bu, amerikalıları “təqib, sui-istifadə və mümkün həbs” riski ilə üz-üzə qoyur. Sərəncamda o da qeyd olunub ki, “Hər iki ölkə (ABŞ və İsrail) müharibə qanunlarına ciddi şəkildə riayət edən silahlı qüvvələrə malikdir. Sanksiyalar Beynəlxalq Cinayət Məhkəməsinin ABŞ vətəndaşlarına və ya müttəfiqlərinə qarşı cinayətlər üzrə təhqiqatını dəstəkləyən şəxslərə və onların ailələrinə maliyyə və viza məhdudiyyətlərini əhatə edir. Qeyd edək ki, Donald Tramp bu sərəncamı İsrailin baş naziri Binyamin Netanyahunun Vaşinqtona səfəri zamanı imzalayıb. Ötən ilin noyabrında isə Beynəlxalq Cinayət Məhkəməsi Netanyahunun Qəzzada hərbi cinayətlər törətməkdə ittiham olunaraq həbsinə order verib.

www.24news.ge

Tramp Netanyahu ilə görüşdən sonra Beynəlxalq Cinayət Məhkəməsinə sanksiya tətbiq edib

Digər xəbərlər