Gürcüstanda 250-yə yaxın məscid müsəlman icmasına təhvil verilib

2014-cü ildən bu günədək Gürcüstanda 250-yə yaxın məscid müsəlman icmasının ixtiyarına verilib. 24News.ge xəbər verir ki, bu barədə ölkənin Dini Məsələlər üzrə Dövlət Agentliyinin rəhbəri Zaza Vaşakmadze Türkiyənin Əziz Mahmud Hüdayi Vəqfinin nümayəndələri ilə görüşdə bildirib. Zaza Vaşakmadze qonaqları Gürcüstan dövlətinin dini siyasəti ilə tanış edib, dövlətin müsəlman icmasına göstərdiyi yardımlara, o cümlədən müsəlman icmasının illik maliyyələşməsinə toxunub. Onun sözlərinə görə, Gürcüstan hökuməti 2014-cü ildən müsəlman icması daxil olmaqla, bütün dini icmalara maliyyə yardımları ayırır və vəsaitin həcmi ildən-ilə artır. Agentlik rəhbəri Gürcüstanda İslamın unikal fenomenindən danışıb, dünyadakı münaqişələr fonunda şiələr və sünnilərin bir məsciddə ibadət etdiyini və dinc harmoniyada yaşadıqlarını söyləyib. O vurğulayıb ki, Gürcüstan hökuməti bu məsələyə böyük həssaslıqla yanaşır. Qonaqlar Dini Qurumlarla İş üzrə Agentlik tərəfindən həyata keçirilən layihələrlə maraqlanıb, gələcək əməkdaşlıq arzularını bildiriblər.

www.24news.ge

Gürcüstanda 250-yə yaxın məscid müsəlman icmasına təhvil verilib

Digər xəbərlər