Avropa Komissiyası Gürcüstanla bağlı iqtisadi proqnoz dərc edib

Gürcüstanda 2024-cü ildə güclü iqtisadi artımdan (9.4%) sonra 2025 və 2026-cı illərdə artım templərinin zəifləyəcəyi gözlənilir. Lakin artım 5-6% səviyyəsində sabit qalacaq. 24News.ge xəbər verir ki, bu barədə Avropa Komissiyasının “Avropa İqtisadi Proqnozu” adlı hesabatında qeyd olunub. Bildirilir ki, artım əsasən daxili tələbatla, xüsusilə özəl və dövlət istehlakı ilə bağlı olacaq. Maaşların artması və yüksək tələbat fonunda inflyasiya 2025-ci ildə 4%-ə qədər yüksələ bilər, lakin 2026-cı ildə Mərkəzi Bankın hədəfi olan 3%-ə dönəcəyi proqnozlaşdırılır. 2023-cü ildə 16.4% olan işsizlik 2024-cü ildə 13.9%-ə düşüb və azalma tendensiyası davam edəcək. Maaşlar isə 2024-cü ildə real olaraq 15% artıb. Bu artım miqrasiya, həyat xərcləri və işçi çatışmazlığı ilə əlaqələndirilir. Hesabatda qeyd olunur ki, Gürcüstan Rusiyadan bəzi ticarət və xidmət axınlarının yön dəyişməsindən faydalanır. Lakin siyasi qeyri-sabitlik və regional geosiyasi gərginliklər iqtisadi etimad üçün risk yaradır.

www.24news.ge

Avropa Komissiyası Gürcüstanla bağlı iqtisadi proqnoz dərc edib

Digər xəbərlər