Papuaşvili: “Xarici tövsiyələrə uysaydıq, bu gün Gürcüstan dağıntılar içində olardı”

Parlamentin sədri Şalva Papuaşvili Türkiyə Böyük Millət Məclisinin sədri ilə görüşdən sonra jurnalistlərə açıqlama verib. 24News.ge xəbər verir ki, o, Gürcüstanın müstəqil qərarlar verməsinin ölkədə sülhün qorunmasında mühüm rol oynadığını bildirib. Papuaşvili qeyd edib ki, 2022-ci ilin fevralında başlayan Rusiya-Ukrayna müharibəsi bir daha sübut etdi ki, mövcud beynəlxalq təhlükəsizlik arxitekturası effektiv deyil: “Əvvəlcədən qurulmuş təhlükəsizlik sistemi işləmədi. Bu sistem təkcə kiçik münaqişələrin qarşısını almaqda aciz olmadı – bunun bir neçə dəfə şahidi olmuşuq, o cümlədən Gürcüstanın timsalında – həm də İkinci Dünya Müharibəsindən sonra baş verən ən böyük müharibənin qarşısını ala bilmədi”. Parlament sədri bəzi “xoşniyyətli” şəxslərin çağırışlarına əməl olunsaydı, Gürcüstanın da dağıntılar içində qala biləcəyini deyib: “Əgər bəzi 'xoşniyyətli' şəxslərə qulaq assaydıq, bu gün Gürcüstan da xarabalığa çevrilmiş olardı. Buna görə də hər bir dövlət və xalq ilk növbədə öz maraqlarını nəzərə almalıdır.” Papuaşvili həmçinin bildirib ki, ölkələrin təhlükəsizliyini təmin etmək üçün milli maraqlara əsaslanan müstəqil qərarlar vacibdir. Onun sözlərinə görə, parlament diplomatiyası da bu maraqların uyğunlaşdırılmasına xidmət etməlidir: “Biz Türkiyə parlamentinin sədri ilə bu məsələdə tam razıyıq: xalqlarımızın rifahı və təhlükəsizliyi naminə qərarlar qəbul etməliyik,” – deyə Papuaşvili əlavə edib. Şalva Papuaşvili, həmçinin Avropa İttifaqının Gürcüstana vizasız rejimi dayandıra biləcəyi ilə bağlı suala cavab verib. O bildirib ki, vizasız rejimin ləğv olunması üçün heç bir əsas yoxdur.

www.24news.ge

Papuaşvili: “Xarici tövsiyələrə uysaydıq, bu gün Gürcüstan dağıntılar içində olardı”

Digər xəbərlər