Gürcüstan Sankt-Peterburqda keçiriləcək “3+3” formatlı görüşdə iştirak etməyəcək

Gürcüstan Sankt-Peterburqda keçiriləcək “3+3” regional əməkdaşlıq platformasının ekspert görüşündə iştirak etməyəcək. 24News.ge xəbər verir ki, bu barədə Gürcüstan Xarici İşlər Nazirliyindən bildirilib. Qurumun açıqlamasına görə, rəsmi Tbilisinin mövqeyi dəfələrlə açıqlanıb və Gürcüstan indiyədək həmin format çərçivəsində keçirilən heç bir görüşdə iştirak etməyib. Xatırladaq ki, iyunun 5-də Rusiyanın Sankt-Peterburq şəhərində “3+3” regional əməkdaşlıq platformasının ilk ekspert görüşü keçiriləcək. Formatda üç Cənubi Qafqaz ölkəsi – Gürcüstan, Ermənistan və Azərbaycan, eləcə də Rusiya, Türkiyə və İran təmsil olunur. Rusiya Xarici İşlər Nazirliyinin sözçüsü Mariya Zaxarova bildirib ki, görüşdə Rusiya tərəfini xarici işlər nazirinin müavini Mixail Qaluzin təmsil edəcək. Zaxarovanın sözlərinə görə, “3+3” platformasının ilk ekspert görüşü Sankt-Peterburq Beynəlxalq İqtisadi Forumu çərçivəsində keçiriləcək və regional əməkdaşlıq məsələləri müzakirə olunacaq.

www.24news.ge

Gürcüstan Sankt-Peterburqda keçiriləcək “3+3” formatlı görüşdə iştirak etməyəcək

Digər xəbərlər