Pomidorun ən baha və ən ucuz satıldığı ölkələr açıqlandı – Gürcüstan neçənci yerdədir?

Dünyada marketlərdə 1 kiloqram pomidorun orta satış qiymətinin ən yüksək olduğu ölkə İsveçrə, ən aşağı olduğu ölkə isə Misirdir. 24News.ge xəbər verir ki, bu barədə beynəlxalq məlumat platforması Numbeo tərəfindən statistikada qeyd olunub. Araşdırmaya əsasən, İsveçrədə 1 kq pomidorun orta qiyməti 5,29 ABŞ dolları, Misirdə isə 0,39 ABŞ dollarıdır. Pomidorun ən baha olduğu 5 ölkə: İsveçrə - 5.29 ABŞ dolları; Cənubi Koreya - 5.19 ABŞ dolları; Norveç - 5.18 ABŞ dolları; Amerika Birləşmiş Ştatları - 4.93 ABŞ dolları; Yeni Zelandiya - 4.90 ABŞ dolları; Pomidorun ən ucuz olduğu 5 ölkə: Misir - 0,39 ABŞ dolları; Hindistan - 0,49 ABŞ dolları; Pakistan - 0,52 ABŞ dolları; Nepal - 0,56 ABŞ dolları; İran - 0,56 ABŞ dolları. Gürcüstan və qonşu ölkələrdə qiymətlər Araşdırmaya görə, Gürcüstanın qonşuları arasında pomidor ən bahalı şəkildə Rusiyada satılır. Burada 1 kq pomidorun orta qiyməti 3,51 ABŞ dollarıdır. Bu göstərici ilə Rusiya 99 ölkə arasında 23-cü yerdə qərarlaşıb. Qonşu ölkələr arasında ən ucuz pomidor isə Türkiyədə qeydə alınıb. Burada 1 kq pomidorun orta qiyməti 1,37 ABŞ dollarıdır və Türkiyə reytinqdə 75-ci yerdədir. Türkiyədən sonra ən ucuz qiymət Azərbaycandadır. Numbeo-nun məlumatına görə, Azərbaycanda 1 kq pomidorun orta qiyməti 1,60 ABŞ dollarıdır. Bu göstərici ilə ölkə siyahıda 68-ci yerdə qərarlaşıb. Gürcüstanda isə 1 kq pomidorun orta qiyməti 1,95 ABŞ dollarıdır. Bu göstərici ilə ölkə reytinqdə 58-ci yerdədir. Qonşular arasında pomidorun Gürcüstandan daha baha olduğu yeganə ölkə Ermənistan olub. Burada 1 kq pomidorun orta qiyməti 2,32 ABŞ dolları təşkil edir və ölkə reytinqdə 48-ci sırada yer alır.

www.24news.ge

Pomidorun ən baha və ən ucuz satıldığı ölkələr açıqlandı – Gürcüstan neçənci yerdədir?

Digər xəbərlər