სახალხო პოეტის ზელიმხან იაგუბის საგვარეულო სახლში მისი სახლ-მუზეუმის საძირკველი ჩაიყარა

ბოლნისის მუნიციპალიტეტის სოფელ ქვემობოლნისში, სადაც სახალხო პოეტი ზელიმხან იაგუბი დაიბადა და გაიზარდა, მის საგვარეულო სახლში სახლ-მუზეუმის შექმნა დაიწყო და მუზეუმის შენობის საძირკველი ჩაიყარა. 24News.ge-ის ინფორმაციით, საძირკვლის ჩაყრის ცერემონიას პოეტის ოჯახის წევრები და საქართველოს სხვადასხვა რეგიონიდან ჩამოსული სტუმრები დაესწრნენ. სიტყვით გამოსულმა მომხსენებლებმა აღნიშნეს, რომ ზელიმხან იაგუბის სურვილი იყო, მის მშობლიურ სოფელში „პოეზიის სახლი“ შექმნილიყო. აღინიშნა, რომ მომავალში სახლ-მუზეუმი აშუღური ხელოვნების, პოეზიისა და სიტყვის კულტურის ერთ-ერთ მნიშვნელოვან კულტურულ ცენტრად ჩამოყალიბდება. აქ წარმოდგენილი იქნება დიდი პოეტის ცხოვრების გზა, შემოქმედება და მდიდარი ლიტერატურული მემკვიდრეობა, ასევე გაიმართება სხვადასხვა ლიტერატურული ღონისძიება, შემოქმედებითი შეხვედრები და საიუბილეო ღონისძიებები.

www.24news.ge

სახალხო პოეტის ზელიმხან იაგუბის საგვარეულო სახლში მისი სახლ-მუზეუმის საძირკველი ჩაიყარა

სხვა სიახლეები