6 თვის ორსული ქალი გარდაიცვალა – ახლობლები ექიმებს ადანაშაულებენ

თბილისში, ღუდუშაურის კლინიკაში 6 თვის ორსული, თამარ ურჩუხიშვილი გარდაიცვალა. გარდაცვლილი წარმოშობით თელავის მუნიციპალიტეტის სოფელ ნასამხრალიდან იყო. ურჩუხიშვილის ახლობლები ჰყვებიან, რომ ქალი კლინიკაში თავდაპირველად მუცლის ძლიერი ტკივილით შეიყვანეს, სადაც ერთი კვირის განმავლობაში მკურნალობდა. მოგვიანებით ის გაწერეს, თუმცა მდგომარეობის გაუარესების შემდეგ კლინიკაში ხელახლა დააბრუნეს. ექიმებმა საბოლოოდ ნაწლავის პრობლემის დიაგნოზი დასვეს, თუმცა ამ დროისათვის ნაყოფი უკვე დაღუპული აღმოჩნდა. ქირურგიული ოპერაციის შემდეგ, ქალს სეფსისი განუვითარდა და მისი გადარჩენა ვერ მოხერხდა. ფაქტზე გამოძიება დაიწყო. ამოღებულია სამედიცინო დოკუმენტაცია და კომპიუტერული მასალა. საქმეს ასევე სწავლობს ჯანდაცვის სამინისტროს რეგულირების სააგენტო. თამარ ურჩუხიშვილის ცხედარს ექსპერტიზა უკვე ჩაუტარდა. გარდაცვლილს სოფელ ნასამხრალში დაკრძალავენ. წყარო: Prime Time

www.24news.ge

6 თვის ორსული ქალი გარდაიცვალა – ახლობლები ექიმებს ადანაშაულებენ

სხვა სიახლეები