აზერბაიჯანის პირველი ელჩი საქართველოში გარდაიცვალა

ნავთობმცოდნე, დიპლომატი და პოეტი ჰაჯან ჰაჯისოი გარდაიცვალა. 24News.ge იუწყება, რომ ამის შესახებ ინფორმაცია მისმა შვილმა გამოაქვეყნა. გავრცელდა ინფორმაცია, რომ იგი ხანგრძლივი ავადმყოფობის შემდეგ გარდაიცვალა. აღსანიშნავია, რომ ჰ. ჰაჯისოი 1996-2004 წლებში აზერბაიჯანის პირველი საგანგებო და სრულუფლებიანი ელჩი იყო საქართველოში. ბოლო წლებში მან სამეცნიერო და პედაგოგიური საქმიანობა აზერბაიჯანის ნავთობისა და მრეწველობის სახელმწიფო უნივერსიტეტში (ASOIU) განაგრძო. მისი სამეცნიერო, ლიტერატურული და დიპლომატიური საქმიანობის შესახებ მრავალი წიგნი გამოიცა. ცნობისთვის, ჰაჯან ჰაჯიევი (ჰაჯისოი) 1946 წლის 19 მარტს დაიბადა ისტორიულ ყარაჩოპის მხარეში, საქართველოს კახეთის რეგიონის საგარეჯოს მუნიციპალიტეტის სოფელ ქეშალოში. 1963 წელს იორმუღანლოს საშუალო სკოლა ოქროს მედლით დაამთავრა, რის შემდეგაც ჩაირიცხა მ. აზიზბეკოვის სახელობის აზერბაიჯანის სახელმწიფო ნავთობისა და ქიმიის ინსტიტუტში (ამჟამად — აზერბაიჯანის სახელმწიფო ნავთობისა და მრეწველობის უნივერსიტეტი). 1969 წელს უმაღლესი განათლების წარმატებით დასრულების შემდეგ მუშაობდა ყარადაღის ნავთობის საბადოების სამმართველოში ოპერატორად და ინჟინრად. 1982 წელს გამოჩენილი მეცნიერისა და აკადემიკოს აზად მირზაჯანზადეს ხელმძღვანელობით წარმატებით დაიცვა დისერტაცია და მიენიჭა ტექნიკურ მეცნიერებათა კანდიდატის სამეცნიერო ხარისხი. ჰაჯან ჰაჯიევმა, როგორც აქტიურმა საზოგადო მოღვაწემ, დიდი ავტორიტეტი და პატივისცემა მოიპოვა. მშობლიური ყარაჩოპის სოციალური, ეკონომიკური და კულტურული განვითარების ხელშეწყობის მიზნით, 1989 წელს თანამოაზრეებთან ერთად დააფუძნა საქველმოქმედო საზოგადოება „ყარაჩოპი“ და მისი გამგეობის თავმჯდომარედ აირჩიეს. 1996–2002 წლებში ჰაჯან ჰაჯიევი იყო აზერბაიჯანის რესპუბლიკის პირველი საგანგებო და სრულუფლებიანი ელჩი საქართველოში.

www.24news.ge

აზერბაიჯანის პირველი ელჩი საქართველოში გარდაიცვალა

სხვა სიახლეები