მედია - რუსეთის ქალაქ რიაზანზე დრონებით შეტევა განხორციელდა - სამიზნე Wildberries-ის საწყობები იყო

რუსეთის ქალაქ რიაზანზე დრონებით თავდასხმა განხორციელდა, - ინფორმაციას უკრაინული მედია სოციალურ ქსელებსა და რიაზანის ოლქის გუბერნატორ პაველ მალკოვზე დაყრდნობით ავრცელებს. თავდასხმის სამიზნე, სავარაუდოდ, Wildberries-ის ლოგისტიკური ცენტრი იყო. „რიაზანში უპილოტო საფრენი აპარატების თავდასხმის მოგერიების შემდეგ ერთ-ერთი საწარმოს ტერიტორიაზე ხანძარი გაჩნდა. ადგილზე ოპერატიული სამსახურები მუშაობენ“, - აღნიშნა გუბერნატორმა. მისი თქმით, მოსახლეობას ურჩევენ, შენობებში დარჩნენ და ფანჯრებთან მიახლოებისგან თავი შეიკავონ. გუბერნატორის ინფორმაციით, თავდასხმის შემდეგ რეგიონში ექვსი ადამიანი საავადმყოფოში გადაიყვანეს. ვრცელდება ინფორმაცია, რომ რიაზანთან ახლოს Wildberries-ის ლოგისტიკურ ცენტრში ხანძარი გაჩნდა.

www.24news.ge

მედია - რუსეთის ქალაქ რიაზანზე დრონებით შეტევა განხორციელდა - სამიზნე Wildberries-ის საწყობები იყო

სხვა სიახლეები