Vahid Milli İmtahanların ölkə üzrə nəticələri açıqlanıb

2026-cı ildə Vahid Milli İmtahanların nəticələrinə əsasən 34 150 abituriyent ali və peşə təhsili müəssisələrində təhsil almaq hüququ qazanıb. 24News.ge xəbər verir ki, bu barədə Gürcüstanın Milli Qiymətləndirmə və İmtahanlar Mərkəzi məlumat yayıb. Məlumata görə, ali təhsil müəssisələrinə qəbul olunan abituriyentlərdən 17 862 nəfər dövlət tərəfindən təsis edilmiş universitetlərdə təhsil alacaq. Bakalavr pilləsinə ümumilikdə 29 481 abituriyent qəbul olunub. Onlardan: 17 862 nəfər dövlət universitetlərinə; 11 619 nəfər isə özəl ali təhsil müəssisələrinə qəbul olunub. Peşə təhsili proqramlarında təhsil almaq hüququnu isə 3 141 abituriyent əldə edib. Onlardan 1 322 nəfər dövlət, 1 819 nəfər isə özəl peşə təhsili müəssisələrində təhsil alacaq. Bundan əlavə, 1 528 nəfər gürcü dili hazırlıq proqramına qəbul olunub. Onlardan 1 495 nəfər dövlət, 33 nəfər isə özəl ali təhsil müəssisələrində təhsil alacaq. Milli Qiymətləndirmə və İmtahanlar Mərkəzi abituriyentlərə təhsil almaq hüququ qazandıqları ali təhsil müəssisəsi ilə əlaqə saxlayaraq müqavilə imzalamalarının vacib olduğunu xatırladıb. Abituriyentlər müvafiq təhsil proqramına qəbul olub-olmadıqlarını online.naec.ge saytına daxil olaraq, şəxsi nömrə və parollarını müvafiq bölməyə yazmaqla yoxlaya bilərlər. Qeyd edək ki, ali təhsil islahatı çərçivəsində bu il abituriyentlərə istədikləri sayda ali təhsil proqramı ilə yanaşı, peşə təhsili proqramlarını da seçim siyahısına əlavə etmək imkanı verilib. Həmçinin dövlət tərəfindən təsis edilmiş ali və peşə təhsili müəssisələrində təhsil almaq hüququ qazanan abituriyentlərin təhsil xərcləri dövlət tərəfindən tam maliyyələşdiriləcək.

www.24news.ge

Vahid Milli İmtahanların ölkə üzrə nəticələri açıqlanıb

Digər xəbərlər