İran Trampın BMT-dəki çıxışına cavab verdi: “Güc tətbiq etməklə cavab verəcəyik”

İran İslam İnqilabı Keşikçiləri Korpusu ABŞ Prezidenti Donald Trampın BMT Baş Assambleyasındakı çıxışına münasibət bildirib. 24News.ge xəbər verir ki, Korpusun açıqlamasında qeyd olunub ki, Vaşinqtonun bu cür addımları nəticəsində “məğlubiyyətdən başqa heç nə əldə etməyəcək”. İran İslam İnqilabı Keşikçiləri Korpusunun sözçüsü Hüseyn Möhebi bildirib ki, Trampın əvvəl də hədələr səsləndirdiyini, lakin onları həyata keçirə bilmədiyini xatırladıb. “Tramp unudur ki, əvvəllər də hədələyib, lakin təhdidlərini həyata keçirə bilməyib. İndi isə yenidən yeni hədələr səsləndirir”, – deyə Möhebi bildirib. İran Silahlı Qüvvələrinin Baş Qərargahı da açıqlama yayaraq ABŞ tərəfindən “əsassız ittihamların və təhdidlərin” təkrarlanmasının güc nümayişi kimi qəbul edilməməli olduğunu vurğulayıb. Baş Qərargahın açıqlamasında bildirilib ki, Tehran daha sərt, dağıdıcı və gözlənilməz zərbələr endirəcək. İran parlamentinin spikeri Məhəmməd Baqir Qalibaf isə ABŞ-ın təzyiqlərinə baxmayaraq, İranın təslim olmayacağını və fəaliyyətini dayandırmayacağını deyib: “Heç vaxt təslim olmayacağıq və ölkəni öz yolundan dayandırmayacağıq. Güc tətbiq etməklə cavab verəcəyik – indiyə qədər etdiyimiz kimi. Bununla da düşməni bütün sahələrdə təsirsiz vəziyyətə gətirmişik”, – deyə Qalibaf bildirib. Qeyd edək ki, ABŞ Prezidenti Donald Tramp BMT Baş Assambleyasındakı çıxışı zamanı İranla bağlı “mühüm qərar” verməli olduğunu bildirib. O, aralıq seçkilərdən sonra İranla razılaşma əldə etmək və ya İslam Respublikasını məhv etmək arasında seçim qarşısında olduğunu deyib. Tramp çıxışında İranla elə bir razılaşmanın mümkünlüyünü də müzakirə edib ki, bunun nəticəsində ölkə əvvəlkindən daha güclü dövlətə çevrilsin. Bunun mümkün olmadığı halda isə İranın məhv edilə biləcəyini bildirib.

www.24news.ge

İran Trampın BMT-dəki çıxışına cavab verdi: “Güc tətbiq etməklə cavab verəcəyik”

Digər xəbərlər