Rustavidə eyni avtomobilləri ayrı-ayrı şəxslərə satan şəxs saxlanılıb (VİDEO)

Rustavidə külli miqdarda pul vəsaitini dəfələrlə dələduzluq yolu ilə ələ keçirməkdə şübhəli bilinən bir nəfər saxlanılıb. Saxlanılan şəxsin əvvəllər də eyni cinayətə görə məhkum olunduğu bildirilir. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqla müəyyən edilib ki, təqsirləndirilən şəxs bir vətəndaşa iki avtomobil satıb və bunun müqabilində pulun tam məbləğini alıb. Avtomobillər alıcının adına rəsmiləşdirildikdən sonra isə onları 10 gün müddətinə kirayəyə vermək və əldə olunan gəliri bölüşdürmək şərti ilə geri götürüb. Lakin o, razılaşmanın şərtlərini pozaraq hər iki avtomobili başqa şəxslərə satıb. Nəticədə zərərçəkənə 49 500 lari məbləğində maddi ziyan dəyib. Hüquq-mühafizə orqanlarının keçirdiyi əməliyyat və istintaq tədbirləri nəticəsində şübhəli şəxs saxlanılıb. Faktla bağlı Cinayət Məcəlləsinin 180-ci maddəsi ilə istintaq aparılır. Həmin maddə 9 ilədək müddətə azadlıqdan məhrumetmə cəzasını nəzərdə tutur.

www.24news.ge

Rustavidə eyni avtomobilləri ayrı-ayrı şəxslərə satan şəxs saxlanılıb (VİDEO)

Digər xəbərlər