Vətəndaşları 21 min lari dələduzluq yolu ilə aldadan vəkil saxlanılıb

Prokurorluq külli miqdarda pul vəsaitinin dələduzluq yolu ilə mənimsənilməsi, saxta rəsmi sənədin hazırlanması və istifadəsi faktları üzrə bir nəfərə ittiham irəli sürüb. 24News.ge xəbər verir ki, bu barədə Prokurorluq məlumat yayıb. Daxili İşlər Nazirliyinin apardığı istintaqla müəyyən edilib ki, təqsirləndirilən şəxs vəkil kimi peşə fəaliyyətindən istifadə edərək zərərçəkənlərə mülki mübahisələrin həllində kömək edəcəyini və müvafiq hüquqi xidmətlər göstərəcəyini vəd edib. Başqasının əmlakını dələduzluq yolu ilə mənimsəməyə görə əvvəllər məhkum olunmuş şəxs guya məhkəməyə iddiaların təqdim edilməsi, dövlət rüsumunun ödənilməsi və vətəndaşların istədikləri hüquqi nəticənin əldə olunması məqsədilə onlardan 21 000 lari alıb. Lakin o, zərərçəkənləri məhkəmədə işlərin gedişi barədə aldadıb. Təqsirləndirilən şəxs məhkəməyə heç bir iddia təqdim etməyib, amma zərərçəkənləri işlərə onların xeyrinə baxılıb başa çatdığına inandırıb. Bunu təsdiqləmək üçün isə onlara saxta məhkəmə qərarları göndərib. Təqsirləndirilən şəxs hakimin qərarı əsasında saxlanılıb. Ona Cinayət Məcəlləsinin 180-ci maddəsinin 3-cü hissəsinin “b” və “c” bəndləri — külli miqdarda və təkrar törədilmiş dələduzluq, həmçinin 362-ci maddəsinin 2-ci hissəsinin “b” bəndi — saxta rəsmi sənədin hazırlanması və istifadəsi ilə bağlı ittihamlar irəli sürülüb. Bu maddələr üzrə onu 9 ilədək azadlıqdan məhrumetmə cəzası gözləyir. Prokurorluğun vəsatəti əsasında məhkəmə təqsirləndirilən şəxs barəsində həbs qətimkan tədbiri seçib.

www.24news.ge

Vətəndaşları 21 min lari dələduzluq yolu ilə aldadan vəkil saxlanılıb

Digər xəbərlər