Zorakılıqda ittiham olunan Kənan İsmayılov barəsində həbs qətimkan tədbiri seçilib

Bu gün Marneuli Magistr Məhkəməsində Marneuli meri Daur İsmayılovun qardaşı, Kənan İsmayılov barəsində məhkəmə iclası keçirilib. 24News.ge xəbər verir ki, iclas zamanı Kənan İsmayılovun müdafiə tərəfi onun girov müqabilində azadlığa buraxılması üçün 100 min lari təklif edib, lakin məhkəmə hakimi bu vəsatəti qəbul etməyib. Marneuli Magistr Məhkəməsinin hakimi Kənan İsmayılovun baş vermiş qrup halında sağlamlığa zərər yetirmə faktı üzrə həbs qətimkan tədbiri ilə saxlanmasına qərar verib. Növbəti məhkəmə prosesi may ayının 19-u Bolnisi Rayon Məhkəməsinə təyin olunub. Xatırladaq ki, Kənan İsmayılov öz ətrafındakı şəxslərlə birlikdə bir vətəndaşa qarşı fiziki zorakılıqda ittiham olunur. Daxili İşlər Nazirliyindən (DİN) bildirilib ki, hadisə ilə bağlı istintaq Cinayət Məcəlləsinin 126-cı maddəsinin 1 prima hissəsinin “b” bəndi üzrə aparılır. Sözügedən maddə isə qrup halında zorakılığı nəzərdə tutur. Bu gün Prokurorluğun rəsmi saytında qeyd olunub ki, hadisə ilə bağlı istintaqın Cinayət Məcəlləsinin 120-ci maddəsinin 2-ci hissəsi (qrup halında sağlamlığa qəsdən yüngül zərər vurma) ilə davam etdirilir.

www.24news.ge

Zorakılıqda ittiham olunan Kənan İsmayılov barəsində həbs qətimkan tədbiri seçilib

Digər xəbərlər