CRS: აშშ-მა ირანის წინააღმდეგ ოპერაციის დროს 42 თვითმფრინავი დაკარგა

აშშ-მა ირანის წინააღმდეგ ოპერაცია „ეპიკური მრისხანების“ დროს, სულ მცირე, 42 თვითმფრინავი დაკარგა ან დააზიანა, - ნათქვამია კონგრესის კვლევითი სამსახურის (CRS) მიერ ამერიკელი კანონმდებლებისთვის მომზადებულ განახლებულ ანგარიშში. ოპერაცია „ეპიკური მრისხანება“, რომელიც 2026 წლის 28 თებერვალს დაიწყო, აშშ-სა და ისრაელის მონაწილეობით ჩატარდა და მოიცავდა საჰაერო, საზღვაო და სარაკეტო საბრძოლო ოპერაციებს ახლო აღმოსავლეთში. როგორც ანგარიშშია აღნიშნული, დადასტურებულ დანაკარგებს შორისაა F-15E Strike Eagle გამანადგურებლები, F-35A Lightning II-ები და A-10 Thunderbolt II თავდასხმის თვითმფრინავები. სულ დაკარგულად ითვლება ოთხი F-15E, ერთი F-35A და ერთი A-10. ასევე, დაზიანდა ან განადგურდა შვიდი KC-135 Stratotanker-ის ტიპის ტანკერი, ერთი E-3 Sentry-ის ტიპის შორ მანძილზე მოქმედი რადარის აღმომჩენი თვითმფრინავი და HH-60W Jolly Green II-ის ტიპის სამაშველო ვერტმფრენი. აშშ-მა დაკარგა: 24 MQ-9 Reaper-ის ტიპის დამრტყმელი და სადაზვერვო დრონი, ერთი სტრატეგიული სადაზვერვო MQ-4C Triton. ანგარიშში აღნიშნულია, რომ დანაკარგების ნაწილი საბრძოლო მოქმედებებს უკავშირდებოდა, თუმცა ზოგიერთი მათგანი მეგობრული ცეცხლით ან ტექნიკური პრობლემებით იყო გამოწვეული. კერძოდ, ქუვეითის თავზე სამი F-15E განადგურდა, ხოლო ერთი KC-135 ერაყში ჩამოვარდა. CRS-ის ანალიტიკოსები, ასევე, ხაზს უსვამენ იმას, რომ პენტაგონს ჯერ არ გამოუქვეყნებია დანაკარგების შესახებ სრული ოფიციალური სტატისტიკა, მაშინ როცა ოპერაციის საერთო ღირებულება უკვე 29 მილიარდ დოლარამდე გაიზარდა, რომლის მნიშვნელოვანი ნაწილი აღჭურვილობის აღდგენას ან შეცვლას მოხმარდება.

www.24news.ge

CRS: აშშ-მა ირანის წინააღმდეგ ოპერაციის დროს 42 თვითმფრინავი დაკარგა

სხვა სიახლეები