თბილისში, სახელმწიფო უსაფრთხოების სამსახურისა და სპეციალური საგამოძიებო სამსახურის შენობის წინ საპროტესტო აქცია გაიმართა

თბილისში მომიტინგეები სპეციალური საგამოძიებო სამსახურისა და სახელმწიფო უსაფრთხოების სამსახურის შენობების წინ შეიკრიბნენ. 24News.ge იუწყება, რომ მსვლელობის მონაწილეებმა, პოლიციის კორდონის თანხლებით, ცალმხრივად გადაკეტეს გზა. მომიტინგეებს ეჭირათ პლაკატები, რომლებზეც პროტესტის დროს დაკავებული პირების ფოტოები იყო გამოსახული. მათი მთავარი მოთხოვნები ქვეყანაში ახალი არჩევნების ჩატარება და საპროტესტო აქციების დროს დაკავებული პირების გათავისუფლებაა. მომიტინგეებმა გამოფინეს ბანერები ისეთი სლოგანებით, როგორიცაა „თავისუფლება სინდისის პატიმრებს“, „არც ერთი პოლიციელი არ დასჯილა“ და „გაათავისუფლეთ რეჟიმის პატიმრები“, ასევე საქართველოს, აშშ-ის და ევროკავშირის დროშები. საპროტესტო მსვლელობაში დაკავებულთა ოჯახის წევრებიც მონაწილეობდნენ.

www.24news.ge

სხვა სიახლეები