გერმანიის „Islamic Community“-ის ხელმძღვანელობა სრულიად საქართველოს მუსლიმთა სამმართველოს ეწვია (ფოტო)

სრულიად საქართველოს მუსლიმთა სამმართველოს ცენტრალურ ოფისს სტუმრობდნენ გერმანიაში მოქმედი ორგანიზაცია „ISLAMIC COMMUNITY”-ს (IGMG) თავმჯდომარე ქემალ ერგუნი, ამავე ორგანიზაციის თავმჯდომარის მოადგილე ჯელილ იალინქილიჩი, ენეს ნასი ამავე ორგანიზაციის ქ. ჰამბურგის რეგიონალური კოორდინატორი, ბაჰათთინ ილმაზი ქ. დუსსელდორფის რეგიონალური კოორდინატორი და ეიუფ სეისი თავმჯდომარის პირადი მდივანი. მუფთმა ეტიბარ ემინოვმა სტუმრებს მადლობა გადაუხადა ვიზიტისათვის, მუსლიმთა სამმართველოს საქმიანობის, საქართველოს მუსლიმების მდგომარეობის, მუსლიმთა სამმართველოსა და სახელმწიფოს ურთიერთობის, ასევე მუსლიმთა სამმართველოსა და მუსლიმურ ორგანიზაციებს შორის ურთიერთობების შესახებ ესაუბრა. სტუმრებმა თავის მხრივ მუფთს და მუსლიმთა სამმართველოს გულთბილი დახვედრისათვის მადლობა გადაუხადეს, მუსლიმთა სამმართველოს საქმიანობა დადებითად შეაფასეს და ორმხრივი თანამშრომლობის გაძლიერების სურვილი გამოთქვეს. შეხვედრაზე ესწრებოდნენ, აღმოსავლეთ საქართველოს მუფთის წარმომადგენელი ქვემო ქართლში ბახტიარ თანირვერდიევი, მუფთის მთავარი მრჩეველი მუსა გაჯიევი, მარნეულის მუფთი თახირ ბაირამოვი, ბოლნისის მუფთი ადილ ნაბიევი და თბილისის ჯუმა მეჩეთის იმამი შირხან ჩობანოვი.

www.24news.ge

გერმანიის „Islamic Community“-ის ხელმძღვანელობა სრულიად საქართველოს მუსლიმთა სამმართველოს ეწვია (ფოტო)

სხვა სიახლეები