Gürcüstandan bir qrup jurnalist heyəti Bakıya səfər edib (VİDEO)

Bakıda keçirilən Azərbaycan-Gürcüstan Media Forumunda iştirak etmək üçün Gürcüstandan bir qrup jurnalist Bakıya səfər edib. 24News.ge xəbər verir ki, səfərin ilk günü jurnalistlər Zəfər Muzeyini ziyarət edərək burada sərgilənən Azərbaycan xalqının Vətən Müharibəsində göstərdiyi misilsiz qəhrəmanlıq və qazandığı möhtəşəm tarixi zəfərlə bağlı məlumat və təsvirlərlə tanış olublar. Daha sonra qonaqlar Hərbi Qənimətlər Parkına baş çəkiblər. Burada onlar Azərbaycan Silahlı Qüvvələrinin İkinci Qarabağ Müharibəsində qazandığı qələbə zamanı Ermənistan Silahlı Qüvvələrinə məxsus Rusiya istehsalı olan tanklar, “Qrad” qurğuları, toplar və digər hərbi texnika ilə tanış olublar. Sonra media nümayəndələri Bakı şəhərinin incisi sayılan İçərişəhər ərazisində gəzərək Azərbaycan xalqına məxsus tarixi və milli abidələrlə tanış olublar. Səfərin ikinci günü “İctimai etimadın formalaşdırılmasında medianın rolu və informasiya təhlükəsizliyi” mövzusunda Azərbaycan-Gürcüstan Media Forumu keçirilib. Tədbirdə “İnformasiya təhlükəsizliyinin təmin olunması məqsədilə media ekosisteminin gücləndirilməsi”, “Jurnalistlərin peşəkarlığının və cəmiyyətin media savadlılığının artırılmasında birgə əməkdaşlıq”, dezinformasiya ilə mübarizə və digər mövzular müzakirə olunub. Qeyd olunub ki, forumun keçirilməsində məqsəd iki ölkə arasında media sahəsində əməkdaşlığın dərinləşdirilməsi, informasiya mühitində etibarlılığın artırılması və təhlükəsizlik çağırışlarının düzgün qiymətləndirilməsidir. Mövzu ilə bağlı daha ətraflı xəbər portalımızın əməkdaşlarının hazırladığı reportajı təqdim edirik:

www.24news.ge

Gürcüstandan bir qrup jurnalist heyəti Bakıya səfər edib (VİDEO)

Digər xəbərlər