Tbilisinin incilərindən olan Tbilisi Cümə Məscidi barədə reportaj (VİDEO)

Tbilisi Cümə Məscidi Gürcüstanın paytaxtı Tbilisinin qədim Abanotubani rayonunda, Narikala qalasının ətəyində, Botanika küçəsində yerləşir. Bu məscid şəhərdə fəaliyyət göstərən yeganə müsəlman ibadətgahıdır. 24News.ge xəbər verir ki, 1723–cü ildə tikilmiş kiçik məscid binası 1846–1851-ci illərdə italyan memarı Covanni Skudiyerinin layihəsi ilə bərpa və ya yenidən inşa edilib. XIX əsrin sonunda, 1895-ci ildə Bakı milyonçusu və xeyriyyəçi Hacı Zeynalabdin Tağıyev Şərq hissəsini xeyli genişləndirərək ikinci mərtəbə tikdirmiş və təmir etdirmişdir. Məscidin yeni binasının tikilməsinə Zaqafqaziya müftisi Hüseyn əfəndi Qayıbovun da böyük xidmətləri olmuşdur. Məscid qırmızı kərpicdən tikilmişdir və memarlığında neoqotik və İslam üslubu elementləri harmonik şəkildə birləşdirilmişdir. Əsas girişdə səkkizbucaqlı minarəsi uzaqdan diqqəti cəlb edir. İçəridə isə mozaika ilə bəzədilmiş divarlar və iki mihrab mövcuddur. Məscidin iki mehrabı var. 150 ilə yaxındır ki, hər iki ənənəvi məzhəbin ardıcılları məsciddə dostluq və qardaşlıq şəraitində vəhdəti hifz edərək birgə ibadət edirlər. Məscidddə fəaliyyət göstərən din xadimləri bildirirlər ki, Tbilisi cümə məscidi, qurban və ramazan günlərində, məhərrəm ayında və digər özəl günlərdə daima çox sayda müsəlmanlar xidmət göstərir. Mövzu ilə bağlı daha ətraflı əməkdaşlarımızın hazırladığı reportajda təqdim edirik:

www.24news.ge

Tbilisinin incilərindən olan Tbilisi Cümə Məscidi barədə reportaj (VİDEO)

Digər xəbərlər