Prokurorluq Kənan İsmayılova ittiham irəli sürüb

Marneuli bələdiyyəsində baş vermiş qrup halında sağlamlığa zərər yetirmə faktı üzrə Marneuli merinin qardaşı Kənan İsmayılova ittiham irəli sürülüb. 24News.ge xəbər verir ki, Prokurorluğun rəsmi saytında verilən məlumata görə, iş üzrə istintaq Cinayət Məcəlləsinin 120-ci maddəsinin ikinci hissəsi (sağlamlığa qəsdən yüngül zərər vurma, qrup halında) ilə aparılır. İstintaq çərçivəsində müəyyən edilib ki, 6 aprel 2026-cı il tarixində Marneuli bələdiyyəsində biznes fəaliyyəti ilə bağlı baş vermiş mübahisə səbəbindən təqsirləndirilən şəxs, onu müşayiət edən şəxslərlə birlikdə dəyənəklərdən istifadə edərək zərərçəkənə xəsarətlər yetirib. Hüquq-mühafizə orqanlarının əməkdaşları təqsirləndirilən şəxsi elə həmin gün saxlayıblar. Ona Cinayət Məcəlləsinin 120-ci maddəsinin ikinci hissəsi (sağlamlığa qəsdən yüngül zərər vurma, qrup halında) ilə ittiham irəli sürülüb. Bu maddə üzrə cəza 3 ildən 5 ilə qədər azadlıqdan məhrumetmə nəzərdə tutur. Prokurorluq təqsirləndirilən şəxs barəsində qətimkan tədbiri kimi həbs seçilməsi üçün qanunla müəyyən edilmiş müddətdə məhkəməyə müraciət edəcək. Daxili İşlər Nazirliyində cinayətdə iştirak etmiş digər şəxslərin müəyyən edilməsi istiqamətində istintaq davam edir.

www.24news.ge

Prokurorluq Kənan İsmayılova ittiham irəli sürüb

Digər xəbərlər